پێشبینی كەش و هەوای ئەمڕۆی دەڤەری ڕاپەڕین

ئەمڕۆ

بەپێی دوایین گۆڕانكاریەكانی كەش و هەوا ئەمڕۆ سێشەممە ٢٠١٨/١١/١٣ لە دەڤەری ڕاپەڕین پلەی گەرمی بە ڕێژەی ١ پلە بەرزئەبێتەوە و بەرزترین پلە لە دەڤەرەكە ١٩ پلە ئەبێت، هەروەها ئاسمانی ناوچەكە بە گشتی هەتاو ئەبێت جگە لە ناوچە شاخاویەكانی نزیك سنووری خۆرهەڵاتی كوردستان كە ڕێژەی هەور لەو ناوچانەدا زۆرتر ئەبێت بە بەراورد بە ناوچەكانی تر. بەهۆی نزیكبوونەوەی شەپۆلێكی بارانبارین لە سبەی شەوەوە كاریگەریەكانی شەپۆلەكە لەسەر ناوچەكەمان دەستپێئەكات و پێشبینی  ئەكرێت لە دوای كاتژمێر ٨ی شەوەوە گۆڕانكاریەكان لە كەش و هەوای ناوچەكەدا دەست پێبكەن. والله أعلم

تێبینی (١) / بەهۆی گۆڕانكاریە خێرا و لە ناكاوەكانی كەش و هەواوە ئەگەری باران بارین كراوە ئەبێت لە ناوچەكە

تێبینی (٢) / پێشبینییەکان بەپێی زانیاری سەرچاوەکانی کەش و هەواوەیە کە لە مانگە دەستکردەکان و وێستگە ئەلیکترۆنیەکانەوە وەرگیراون، وە هەروەها شایەنی گۆڕانکارین چونکە زانیاری تـەواو و بێ هـــەڵـــە نیــن،ئەو زانستەی کە بە تەواوی ڕاست و دروستە تەنیا لای خوای گەورەیەو بەو شێوەیە ئەبێت کە زاتی پیرۆزی فەرمانی لەسەرداوە و جگە لە خوای گەورە هـیـچ کەسێك نایزانێت

بەداخەوە وینەی ئەوگەنجەی بەهەورە بروسکە گیانی لەدەستدا

به داخه وه
وێنەی ئەو گەنجەی هەورە بروسکە لێیدا
ئێوارەی ئەمرۆ لە گەڕەکی (حوریە)ی شاری کەرکوک ھەورە بروسکە لە گەنجێکی تەمەن(١٨)ساڵی دا بەناوی (احمد حبیب حسین) ئێستا بارودۆخی ناجێگیرە بێوستی بە دوعای ئێوەیە تـکایە لە دوعاکانتان بێبەشی مەکەن.

پۆلیسی سلێمانی: ئەو دوو کەسەی بە دەمانچە گەنجێکیان بریندارکرد، دەستگیرکران

پۆلیسی سلێمانی رایگەیاند، ئەو دوو کەسەی ئەمڕۆ لە پێشانگەکانی ئۆتۆمبێل بە دەمانچە گەنجێکیان بریندارکرد، هەردووکیان دەستگیرکراون.

سەرچاوە/رووداو

ئێوارەی ئەمڕۆ گرتەیەکی ڤیدیۆیی بڵاوکرایەوە کە تێیدا دەردەکەوێ دوو کەس بە دەمانچە گەنجێکیان بریندارکردووە و لێیدەدەن، خەڵکەکەش هاواردەکەن “تکایە مەیکوژن”.

نەقیب سەرکەوت ئەحمەد، بەرێوەبەری بەشی راگەیاندن و پەیوەندییەکانی پۆلیسی پارێزگای سلێمانی بە (تۆڕی میدیایی رووداو)ی راگەیاند “ئەو دوو کەسە خەڵکی شارۆچکەکانی دەرەوەی شاری سلێمانی بوون. شەڕیان بووە، کێشەکە کۆمەڵایەتییە و کەسێک برینداربووە”.

نەقیب سەرکەوت ئەحمەد گوتیشی “بنکەی پۆلیسی تاسڵوجە پەڕاوی لێکۆڵینەوەیان بۆ رووداوەکە کردووەتەوە، لێکۆڵینەوە لەگەڵ ئەو دوو کەسەی دەستگیرکراون، بەردەوامە”.

 

بابەتە

قوتابیانی داخیلی خۆپیشاندانیان کرد
ئەمشەو قوتابیانی داخیلی زانکۆی سلێمانی بەهۆی نەبوونی ئاوی گەرم و هۆکاری گەرم کەرەوە و نەبوونی پاککەرەوە لەداخیلی خۆپیشاندانیان کرد
تا ئێستا کەس بەدەمیانەوە نەچووە

هەناری شیرنی بیتوین لەعیراق خواستی زۆری لەسەرە

هه‌نارى شیرینى بیتوێن له‌ عێراق خواستى له‌سه‌ره‌.. 60 جووتیارى گوندێك به‌رهه‌مى ده‌هێنن

سەرچاوە/مەلپەری وشە
له‌ ده‌شتی بیتوێنی ئیداره‌ی راپه‌رین جۆره‌ هه‌نارێكی تایبه‌ت به‌رهه‌م ده‌هێنرێت كه‌ جگه‌ له‌ كوردستان له‌ ناوه‌راست و خوارووی عێراقیش كریاری تایبه‌ت به‌خۆی هه‌یه‌ و خواستێكی زۆری له‌سه‌ره‌.
ئه‌حمه‌د ره‌سووڵ، جووتیارێكی گوندی قه‌سرۆكه‌ به‌ “وشه‌”ی راگه‌یاند، رۆژانه‌ زیاتر له‌ 10 تۆن هه‌ناری شیرینی ئه‌م گونده‌ ده‌خه‌ینه‌ بازاره‌وه‌ و نزیكه‌ی 60 جووتیاری گونده‌كه‌مان سه‌رقاڵی به‌رهه‌مهێنانی هه‌ناری شیرینین، كه‌ ئه‌و جۆره‌ هه‌ناره‌ له‌ بازاردا كه‌مه‌ و ته‌نیا له‌ و گونده‌ی ئێمه‌ به‌رهه‌م ده‌هێنرێت، بۆیه‌ له‌ بازاردا خواستێكی زۆری له‌سه‌ره‌ به‌تایبه‌ت له‌لایه‌ن عه‌ره‌به‌كانی باشوور و ناوه‌راستی عێراق، ئه‌مه‌یش وایكردووه‌ داهاتێكی باش بۆ جووتیاران دابین بكات كه‌ هه‌ر كیلۆیه‌كی به‌ 600 بۆ 700 دینار ده‌فرۆشین له‌ بازار.
ئه‌و جووتیاره‌ ئاماژه‌ى بۆ ئه‌وه‌ كرد،جگه‌ له‌ به‌رهه‌می هه‌نار هاوكات سركه‌ی هه‌ناریش خواستێكی زۆری له‌سه‌ره‌ و نرخی هه‌ر كیلۆیه‌ك سركه‌ی باش 10 هه‌زار دیناره‌ له‌ بازاردا.
هاوكات هێمن محه‌مه‌د شاره‌زایه‌كی كشتوكاڵه‌ له‌ رانیه‌ به‌ “وشه‌”ی راگه‌یاند، به‌هۆی ئه‌وه‌ی له‌ ناوه‌راست و باشووری عێراق هه‌ناری شیرین كه‌مه‌ خواستێكی زۆر له‌سه‌ر هه‌ناره‌ شیرینه‌كانی ده‌شتی بتوێن هه‌یه‌ كه‌ پێشی ده‌گوترێت (هه‌ناره‌ شیرینه‌ی نازه‌نین)، ته‌نانه‌ت له‌ هه‌ناری هه‌ڵه‌بجه‌یش جیاوازتره‌.
گونده‌كانی هیزۆپ و قه‌سرۆك و كڵاوسوران له‌ ده‌شتی بتوێنی شارۆكه‌ی رانیه‌ به‌ هه‌ناره‌ شیرینه‌كه‌یان ناوبانگی باشیان له‌ هه‌رێمی كوردستان و ته‌نانه‌ت عه‌لوه‌كانی ناوه‌راست و باشوری عێراقیش په‌یدا كردووه‌.
ده‌ڤه‌ری راپه‌رین به‌ ناوچه‌یه‌كی گرنگی كشتوكاڵی به‌ناوبانگه‌ و خاوه‌نی نزیكه‌ی 530 زه‌وی كشتوكاڵییه‌ و له‌و رێژه‌یه‌ش ساڵانه‌ زیاتر له‌ 100 دۆنم زه‌وی به‌ باخی هه‌نار ده‌چێنرێت و هاوشێوه‌ی جۆری هه‌ناری ده‌شته‌كانی بتوێنیش له‌ عێراقدا كه‌مه‌.

زانیاری تازە سەبارەت بە شەپۆلی بارانبارینی ئەم هەفتەیە

شەپۆلێكی بارانبارین هەرێمی كوردستان ئەگرێتەوە

نەو

ڕۆژی چوارشەممە ٢٠١٨/١١/١٤ سەرەتای دەستپێكی شەپۆلێكی بارانبارین ئەبێت لە هەرێمی كوردستان كە بۆماوەی چەند ڕۆژێك بەردەوام ئەبێت و بەهۆیەوە پلەی گەرمی لە سەرجەم ناوچەكانی هەرێمی كوردستان بەرەو نزمبوونەوە ئەچێت و لە ناوچە شاخاویە بەرزەكانی بناری قەندیل و دەڤەری باڵەكایەتی پێشبینی بەفربارین هەیە و زۆرترین ڕێژەی بەفربارینیش لە هەرێم لە ناوچەی كێلە شین و دەورووبەری ئەبێت، هەروەها زۆربەی ناوچەكانی باشووری كوردستان باران بارین ئەیانگرێتەوە كە ڕێژەكەی لە ناوچەیەكەوە بۆ ناوچەیەكی تر جیاواز ئەبێت و هەتاوەكو ئێستا هیچ ئەگەری دروستبوونی لافاو لە ئارادا نیە و لەگەڵ ڕوودانی هەر گۆڕانكاریەك لە شەپۆلەكەدا بە ئاڕاستەی دروستبوونی لافاو زانیاری تەواو بڵاوئەكەینەوە… والله أعلم

تێبینی// پێشبینییەکانی سەرەوە بەپێی زانیاری سەرچاوەکانی کەش و هەواوەیە کە لە مانگە دەستکردەکان و وێستگە ئەلیکترۆنیەکانەوە وەرگیراون، وە هەروەها شایەنی گۆڕانکارین چونکە زانیاری تـەواو و بێ هـــەڵـــە نیــن،ئەو زانستەی کە بە تەواوی ڕاست و دروستە تەنیا لای خوای گەورەیەو بەو شێوەیە ئەبێت کە زاتی پیرۆزی فەرمانی لەسەرداوە و جگە لە خوای گەورە هـیـچ کەسێك نایزانێت.

مامۆستایەک لەپشدەر بە بەلەم دەجی بۆ گوندیک بۆ وانە گوتنەوە

لە پەروەردەی پشدەر وانەبێژ ھەیە سەرەڕای كرێ سەیارە كرێی بەلەمیش دەدات تا بگاتە ئەو گوندەی وانەبێژە لێی.
داواکارین لە پەروەردە و لایەنی بەرپرس ئەم دۆخە لەبەرچاو بگرێت و کرێی وانەبێژیان بۆ زیاد بکات