پێشبینی كەش و هەوای سبەی ڕاپەڕین

بەناوی خودای بەخشندەی میهرەبان 

پێشبینی كەش و هەوای سبەی چوارشەممە ٢٠١٨/١٢/٥

لەئێستادا لە تەواوی ڕاپەڕین ئاسمان لەنێوان هەور بۆ هەوری تەواوە و بەرزترین پلەی گەرمی ١٢ – ١٣ پلەیە و ڕێژەی شێ لە ناوچەكە بەگشتی لە نێوان ٪٤٠ – ٪٨٠ دایە بەپێی جیاوازی ناوچەكان، هەربۆیە تاوەكو كۆتایی ئەمشەو ئەگەری باران بارین ئەبێت بەتایبەت لە دوای كاتژمێر ١١ەوە ئەگەری باران بارین لە ناوچەكانی باكووری ڕۆژئاوای ڕاپەڕین ئەبێت

سبەی چوارشەممە لە كاتژمێر ١٢ی شەوەوە (دوای ١ كاتژمێری تر) ئەگەری باران بارین لەسەرجەم ناوچەكانی ڕاپەڕین دەستپێئەكات بەشێوەی نمە باران و بارانی هێواش بەپێی جیاوازی ناوچەكان بەڵام لە ناوچەكانی باكووری ڕاپەڕین ئەگەری باران بارین زیاتر ئەبێت، سبەی لە دوای كاتژمێر ٣ی شەوەوە تاوەكو كاتەكانی نیوەڕۆ  ئەگەری بارانی هێواش – ناوەند لە سەرجەم ناوچەكان ئەبێت بە بڕی جیاواز و لە باكووری ڕۆژئاوای ڕاپەڕین چاوەڕوان ئەكرێت زۆرترین بڕی باران ببارێت، لەدوای نیوەڕۆوە چاوەڕوان ئەكرێت كاریگەریەكانی شەپۆلەكە لە سەرجەم ناوچەكانی ڕاپەڕین بەهێزترببێت و ئەگەری بارانی بەخووڕ لە ناوچەكانی باكووری ڕاپەڕین ئەبێت بەتایبەت باكووری ڕۆژئاوای ڕاپەڕین كە چاوەڕوان ئەكرێت تاوەكو كۆتایی شەوی ئاییندە ئەگەری بارانی بەخووڕ لەو ناوچانە بەردەوام بێت لە كاتە جیاوازەكاندا
لەلایەكی ترەوە لە بەرەبەیانی سبەیەوە لە ناوچەبەرزەكانی بناری قەندیل بەهۆی نزمبوونەوەی پلەی گەرمیەوە چاوەڕوان ئەكرێت بەفربارین دەستپێبكات و لەزۆربەی كاتەكاندا بەردەوامبێت، والله أعلم
هەروەها بەهۆی تێكەڵاو بوونی دوو بارستە هەوای جیاواز و بوونی هەوری بارگە جیاواز لە ناوچەكەدا ئەگەری بوونی هەورە بروسكە ئەبێت بەتایبەت لەدوای ئێوارەوە تاوەكو كۆتایی شەو
سبەی پلەی گەرمی لە ناوچەكەمان نزمتر ئەبێتەوە و بەرزترین پلەی گەرمی لە ڕاپەڕین لە دوانیوەڕۆدا ئەبێت بە ڕێژەی ١٣ – ١٤ پلە و نزمترین پلەی گەرمی لە پێش خۆرهەڵاتن ئەبێت بە ڕێژەی ٢ پلە لە بەرزاییەكانی بناری قەندیل، والله أعلم

بەرزترین پلەی گەرمی چاوەڕوانكراوی سبەی لە چەند ناوچەیەكی ڕاپەڕین
ڕانیە : ١٣  پلە
قەڵادزە : ١٣ پلە 
حاجیاوا : ١٣ پلە
ژاراوە : ١٣ – ١٤ پلە
چوارقوڕنە : ١٣ -١٤ پلە

والله أعلم

//تێبینی هەمیشەیی
١- هەروەك ئاماژەمان پێدا چاوەڕوان ئەكرێت لە كاتژمێر ١٢ەوە ئەگەری باران بارین دەستپێبكات و لەدوای كاتژمێر ٣ی شەوەوە كاریگەریەكانی شەپۆلەكە بەرفراوانتر ببێت لەسەرجەم ناوچەكان و لەدوای نیوەڕۆوە شەپۆلەكە بەهێزتر ببێت، بەڵام لە ئەگەری ڕوودانی هەر گۆڕانكاریەك لە كەش و هەوادا ئەوا كاریگەری ڕاستەوخۆی ئەبێت لەسەر ناوچەكەمان و لە ڕوودانی هەر گۆڕانكاریەكی بەرچاو زانیاری زیاتر بڵاوئەكەینەوە
٢- پێشبینییەکان بەپێی مانگە دەستکردەکان و وێستگە ئەلیکترۆنیەکانەوەیە، بۆیە شایەنی گۆڕانکارین و گۆڕانكاریان بەسەردا دێت چونكە زانیاری تەواو و بێ هەڵە نین و بەوشێوەیە ئەبێت كە خودای پەروەردگار فەرمانی لەسەرداوە