بەناوی خوای بەخشندەی میهرەبان

پێشبینی كەش و هەوای ئەمڕۆ شەممە ٢٠١٩/١/٥

دوای ئەوەی لە ئێوارەوەی دوێنێ هەینیەوە ئاسمانی ناوچەكەمان بەرەو ساماڵ گۆڕا و كاریگەریەكانی شەپۆلی ڕابردوو بەتەواوی لە ناوچەكەمان كۆتایی پێهات هەروەكو لە پێشبینیەكانی پێشتر ئاماژەمان بۆ كرد، لە ئێستاوە بەهۆی هاتنی هەور لە دەریای ناوەڕاستەوە بەرەو ناوچەكەمان، چاوەڕوان ئەكرێت تاوەكو ئێوارەی ئەمڕۆ ئاسمانی ناوچەكەمان بەڕێژەی جیاواز و لە كاتی جیاوازدا هەور بیگرێتەوە و لەبەر درێژنەبوونەوەی زیاتری بابەتەكە بەووردی ئاماژە بە هەموو كاتەكان ناكەین چونكە تاوەكو ئێستا هیچ ئەگەرێكی باران بارین لە ئارادا نیە، والله أعلم
لەدوای ئێوارەوە چاوەڕوان ئەكرێت گۆڕانكاری لە دۆخەكەدا درووست ببێت و ئەگەری باران بارین بەشێوەی پچڕ پچڕ لە ناوچەكەمان بوونی ئەبێت و لە ناوچە شاخاویە بەرزەكانی باكووری ڕاپەڕین ئەگەری بەفربارین یان بەفروباران بەیەكەوە ئەبێت، والله أعلم
ئەمڕۆ پلەی گەرمی لەناوچەكە بەرەو بەرزبوونەوەی زیاتر ئەچێت و بەرزترین پلەی گەرمی لە ڕاپەڕین لە دوای نیوەڕۆدا ( ١٣ ، ١٤ ) پلە ئەبێت و نزمترین پلەی گەرمی لە پێش خۆرهەڵاتندا ( -٣ ، -٤ ) پلە ئەبێت لە بەرزاییەكانی قەندیل و دەورووبەری، والله أعلم


تێبینی هەمیشەیی// پێشبینییەکان بەپێی مانگە دەستکردەکان و وێستگە ئەلیکترۆنیەکانەوەیە، بۆیە شایەنی گۆڕانکارین و گۆڕانكاریان بەسەردا دێت چونكە زانیاری تەواو و بێ هەڵە نین و بەوشێوەیە ئەبێت كە خوای پەروەردگار فەرمانی لەسەرداوە

ئاگاداری هاوشاریان وشۆفێرانی خۆشەویست دەکاتەوە کەلەپێناو ڕێکخستنی سەنتەری شارووجوانکری سیمای شار نەهێشتنی جەنجاڵیوگرفتی هاتووچۆ ودرووستکردنی کەشێکی ئارام بۆهاوشاریان وەستانی ئۆتۆمبێل لەلای میوەفرۆشەکان وبەردەم باخی گشتی و بازاڕی لەنگە بەهەمووشێوەیەک قەدەغەیە، هەرئۆتۆمبێلێک بووەستێت ڕووبەڕووی لێپرسینەوەوسزای یاسای دەبێتەوە بۆیە داواکارین هاوکارمان بن لەگەڵ ڕێزدا‎

به‌ڕێوه‌به‌رایه‌تی گشتیی كه‌شناسی و بوومه‌له‌رزه‌زانی هه‌رێمی كوردستان، بوومه‌له‌رزه‌كه‌ به‌ گوڕی 3.7 پله‌ی رێخته‌ر تۆمار كراوه‌ و 19 كیلۆمه‌تر له‌ خانه‌قین دوور بووه‌ و هه‌ستی پێكراوه‌.

به‌ گوێره‌ی راگه‌یه‌ندراوی به‌ڕێوه‌به‌رایه‌تییه‌كه‌، بوومه‌له‌رزه‌كه‌ له‌ قووڵایی هه‌شت كیلۆمه‌تر بووه و له‌ خانه‌قین هه‌ستی پێكراوه‌ و هیچ زیانێكی نه‌بووه‌.

به‌ گوێره‌ی زانیارییه‌كانیش له‌ هه‌ندێك ناوچه‌ی كه‌لاریش هه‌ستی پێكراوه‌ به‌ڵام به‌هێز نه‌بووه‌

بەڕێوەبەرایەتی پۆلیسی راپەڕین رایگه‌یاند له‌ ناحیه‌ی‌ حاجیاوه‌ ژنێک بەهۆی گڕگرتنی نەوت، سوتا وبە وتەی خۆی رووداوەکە بەڕێکەوت بووە.
‌ “ئەمڕۆهه‌ینی‌ کاتژمێر (4)ی دوای نیوەڕۆ لە گەڕەکی پێنجی ئازار لە ناحیەی حاجیاوای سەربە قەزای ڕانیە لە کاتی داگیرساندنی سۆپای نەوت چەرخەکەی لە دەست تەقی و بووەهۆی گڕگرتنی دەبە نەوتەکە و بەوهۆیەوە سوتاوە”.

پۆلیسی راپەڕین ده‌ڵێت: “ژنه‌كه‌ تەمەنی‌ 30 ساڵ و ناوی (س.خ.)ه‌ و بەگوێرەی راپۆرتی پزیشکی رێژەی سوتانەکەی سه‌دا 60 بووە”.

ئاماژه‌شی‌ به‌وه‌دا كه‌ “دوای وەرگرتنی وتەکانی لەبەردەم پۆلیس لە نەخۆشخانەی گشتی رانیە، ژنه‌كه‌ سکاڵای لە دژی هیچ کەس نییە و بە وتەی خۆی رووداوەکە بە ڕێکەوت بووە”.

پۆلیسی راپەڕین ئاشكراشیكرد كه‌ “لەبەر سەختی برینەکەی، ناوبراو بەڕێکرا بۆ نەخۆشخانەی سوتاوی‌ لە سلێمانی”.
راشیگه‌یاند كه‌ “پەڕاوی لێکۆڵینەوە بۆ رووداوەکە رێکخرا و لەسەر رووداوەکە کەس دەستگیر نەکراوە و لێکۆڵینەوە بەردەوامە