پێشبینی كەش و هەوای سبەی ڕاپەڕین

بەناوی خوای بەخشندەی میهرەبان

پێشبینی كەش و هەوای سبەی دووشەممە ٢٠١٩/١/١٤

ڕوونكردنەوە: لە ئێستادا شەپۆلێكی خۆڵبارین لە ناوچەكەمان دەستی پێكردووە و بە بەراورد بە شەوانی ڕابردوو پلەی گەرمی چەند پلەیەك ڕووی لە بەرزبوونەوە كردووە، چاوەڕوان ئەكرێت شەپۆلی خۆڵبارینەكە ئەمشەو و سبەی كاریگەریەكانی بەردەوام بێت و بە تێپەڕبوونی كات و درووستبوونی گۆڕانكاری لە ئاڕاستەی با لە ناوچەكە خۆڵبارینەكە بەرەو لاوازی ئەچێت هەروەها لە ئێستادا لە ناوچە سنووریەكانی خۆرهەڵات و باكوور و باكووری خۆرهەڵات و خۆرئاوای ڕاپەڕین ئەگەری دابارین هەیە و لە زۆربەی ناوچەكانی ناوەڕاست و باشووری ڕاپەڕین ئەگەرەكە لاوازە یاخود باران بارین وەستاوە، بەپێی دوایین گۆڕانكاریەكان لە چەند كاتژمێری داهاتوو ئەگەری دابارین لە سەرجەم ناوچەكانی ڕاپەڕین دەست پێئەكاتەوە و لە كاتە جیاوازەكاندا ئەگەری بارانی بەخووڕ ئەبێت، والله أعلم

سبەی دووشەممە تاوەكو كاتەكانی نیوەڕۆ كاریگەریەكانی شەپۆلەكە لە ناوچەكەمان بەردەوام ئەبێت و ئەگەری باران بارین لە سەرجەم ناوچەكانی ڕاپەڕین ئەبێت بە بڕی جیاواز، لەدوای نیوەڕۆوە تاوەكو دوای ئێوارە كاریگەری شەپۆلەكە بەرەو لاوازی ئەچێت و ئەگەری باران بارین بەتەواوی لاواز ئەبێت و هەروەها لە زۆربەی ناوچەكان ئاسمان لەنێوان هەوروهەتاو و نیمچە هەوردا ئەبێت لە دوای ئێوارەوە ڕێژەی هەور لە ئاسمانی ناوچەكە بەرەو بەرزبوونەوە ئەچێت و لە ناوچەكانی باكووری ڕاپەڕین هەور بۆ هەوری تەواو ئەبێت و لەدوای كاتژمێر ٨ی شەوەوە لە چیا بەرزەكان ئەگەری دابارین ئەبێت، هەرچی ناوچەكانی ناوەڕاست و باشووری ڕاپەڕینیشە ئاسمان لەنێوان نیمچە هەور و هەوردا ئەبێت و ئەگەرێكی لاوازی باران بارین ئەبێت بەپێی جیاوازی ناوچەكان، والله أعلم

بەهۆی هاتنی با لە ئاڕاستەی باشوور و ناوەڕاستی عێراقەوە بەرەو ناوچەكەمان گۆڕانكاری لە پلەی گەرمی ناوچەكە درووست بووە و چاوەڕوان ئەكرێت سبەی پلەی گەرمی لە ناوچەكەمان بەجێگیری ئەمێنێتەوە و بەرزترین پلەی گەرمی لە ڕاپەڕین ( ٩ ، ١٠ ) پلە ئەبێت و نزمترین پلەی گەرمی ( -٣ ، -٤ ) پلە ئەبێت لە ناوچەكانی قەندیل و دەورووبەری، والله أعلم

تێبینی هەمیشەیی// پێشبینییەکان بەپێی مانگە دەستکردەکان و وێستگە ئەلیکترۆنیەکانەوەیە، بۆیە شایەنی گۆڕانکارین و گۆڕانكاریان بەسەردا دێت چونكە زانیاری تەواو و بێ هەڵە نین و بەوشێوەیە ئەبێت كە خوای پەروەردگار فەرمانی لەسەرداوە

ئەو کۆترەی کوڕ و باوکەکەی لەسەر کوژران، بایی ۸ هەزار دینارە

دوای ئەوەی لەسەر كۆترێك كوڕ و باوكێك لە یەكێك لە گەڕەكەكانی شاری هەولێر كوژران و سیانی تریش برینداربون، لەلایەن پۆلیسەوە دو کەس لەسەر روداوەکە دەستگیرکراون.

ئێوارەی رۆژی شەممە کۆترێک لە جۆری نامە بەر بە هەشت هەزار دیناری عێراقی بە گەنجێك فرۆشراوە، بەڵام دواتر لەسەر جۆری فڕینی كۆترەكە دەبێتە شەڕ لەنێوان كڕیار و فرۆشیارەكەدا كە دراوسێی یەكترن و تەقە لەیەكتر دەكەن، لە ئەنجامدا دو كەسیان لێ دەكوژێت و سیانی دیکەش بریندار دەبن.

بەوتەی شایەتحاڵەکان بۆ (سبەی)، تەشەنەسەندنی شەڕەكە پەیوەندی بە بونی ناکۆکی کۆنی نێوان ئەو دو خێزانەوە هەبوە، جگە لەوەش لەسەر روداوەکە پۆلیسی هەولێر دو کەسی دەستگیرکردوە