Category Archives: كەش و هەوا

تا ئێستا، هێندەی هەموو ساڵی پار باران باریوە

سوپاس بۆ خوا ئەمساڵ بارانێکی زۆر لەشاری رانیە و دەوروبەری باریوە. ئەمساڵ بەنزیکەیی هێندەی ساڵی پار باران باریوە، لەکاتێکدا وەرزی باران بارین زۆری ماوە تەواو ببێت.

++ لە٢٤کاتژمێری ڕابردوو لەشاری ڕانیە.بڕی ( ١٩ملم) نۆزدە ملیم باران باریوە. کۆی باران بارین تا ئەمرۆ (٢١٠٩/٢/٩) بڕی( ٨٤٥ ملم )بووە. # بڕی باران بارین پارساڵ لەهەمان بەرواردا بڕی (٣٢١ ملم) بووە. # (کۆی باران بارینی پارساڵ (٨٥٠،٥ ملم ) بوو) .

نەمامگەی شازاد سائیب

پێشبینی كەش و هەوای ئەمڕۆ یەكشەممە لە ڕاپەڕین

بەناوی خوای بەخشندەی میهرەبان

پێشبینی كەش و هەوای ئەمڕۆ یەكشەممە ٢٠١٩/١/٢٧

هەروەكو پێشتر ئاماژەمان پێدا بەپێی دوایین گۆڕانكاریەكانی كەش و هەوا چاوەڕوان ئەكرێت لە ئەمڕۆ یەكشەممەوە ناوچەكەمان بكەوێتە ژێر كاریگەری شەپۆلێكی باران بارین كە لە ناوچەكانی دەریای سوور و دەریای ناوەڕاستەوە سەرچاوەی گرتووە، والله أعلم
لە ئێستادا ئاسمانی سەرجەم ناوچەكانی ڕاپەڕین لە نێوان هەوروساماڵ بۆ نیمچە هەوردایە و تاوەكو كاتژمێر ١٠ی پێشنیوەڕۆ ئاسمان نیمچەهەور بۆ هەور ئەبێت بەپێی جیاوازی ناوچەكان، لەدوای كاتژمێر ١٠ەوە ڕێژەی هەور زیاتر ئەبێت و ئەگەری باران بارین لە ناوچە سنووریەكانەوە دەستپێئەكات و بەتێپەڕبوونی كات سەرجەم ناوچەكان ئەگرێتەوە، والله أعلم
لە ئەمڕۆوە تاوەكو ڕۆژی چوارشەممە پلەی گەرمی لە ناوچەكەمان بەرەو نزمبوونەوە ئەچێت و چاوەڕوان ئەكرێت ئەمڕۆ بەرزترین پلەی گەرمی لە ڕاپەڕین (١٥ ، ١٦ ) پلە بێت و نزمترین پلەی گەرمی ( -١ ، -٢ ) پلە بێت لە بەرزاییەكانی قەندیل، والله أعلم


تێبینی هەمیشەیی// پێشبینییەکان بەپێی مانگە دەستکردەکان و وێستگە ئەلیکترۆنیەکانەوەیە، بۆیە شایەنی گۆڕانکارین و گۆڕانكاریان بەسەردا دێت چونكە زانیاری تەواو و بێ هەڵە نین و بەوشێوەیە ئەبێت كە خوای پەروەردگار فەرمانی لەسەرداوە

شەپۆلێكی بەهێزی باران بارین تەواوی ناوچەكانی ڕاپەڕین ئەگرێتەوە

بەناوی خوای بەخشندەی میهرەبان

دوای سەقامگیربوونی كەش و هەوا لە ناوچەكەمان لە سبەی یەكشەممەوە شەپۆلێكی باران بارین ناوچەكەمان ئەگرێتەوە و كاریگەریەكانی تاوەكو ڕۆژی سێشەممە بەردەوام ئەبێت، شەپۆلەكە لە دوو نزمە پاڵەپەستۆ پێكدێت كە لە ناوچەكانی دەریای سوور و دەریای ناوەڕاست سەرچاوەی گرتووە و چاوەڕوان ئەكرێت لە ڕۆژی دووشەممەدا شەپۆلەكە لەوپەڕی بەهێزیدا بێت بۆیە پێویستە لەسەر هاووڵاتیان كە ڕەچاوی دۆخەكە بكەن بەتایبەت دانیشتوانی ئەو ناوچانەی كە نزیكن لە ڕووبار و چەمەكانەوە یان ناوچەكانیان لە نێوان بەرزاییەكاندایە هەروەها پێویستە لایەنە پەیوەندیدارەكان لە ئامادەباشیدابن بۆ هەر حاڵەتێكی نەخوازراو. سەرەڕای باران بارینی بەهێز لە سەرجەم ناوچەكان چاوەڕوان ئەكرێت لە ئێوارەی دووشەممەوە بەهۆی نزمبوونەوەی زیاتری پلەكانی گەرمی لە ناوچە شاخاویە بەرزەكانی باكوور و باكووری خۆرهەڵات و خۆرئاوای ڕاپەڕین بەفربارین بیانگرێتەوە، والله أعلم

ڕێژەی باران بارینی چاوەڕوانكراو تاوەكو كۆتایی هاتنی شەپۆلەكە لە سەرجەم ناوچەكانی ڕاپەڕین زیاترە لە ١٠٠ ملم و بەگشتی ناوچەكانی باكووری ڕاپەڕین ڕێژەی باران بارین تیایاندا زیاتر ئەبێت، والله أعلم

إن شاءالله پاش كەمێكی تر زانیاری زیاتر سەبارەت بە كەش و هەوای سبەی یەكشەممە بڵاوئەكەینەوە

پێشبینی كەش و هەوای سبەی یەكشەممە لە ڕاپەڕین

بەناوی خوای بەخشندەی میهرەبان

پێشبینی كەش و هەوای سبەی یەكشەممە ٢٠١٩/١/٢٠

لە درێژەی ئەو سەقامگیریەی كە لە ئێستادا ناوچەكەمانی گرتووەتەوە چاوەڕوان ئەكرێت سبەی یەكشەممە لە تەواوی ناوچەكەمان ئاسمان هەتاو بێت و بەهۆی دروستبوونی هەوری گەواڵە لە كاتە جیاوازەكاندا هەور لە ئاسمانی ناوچەكە بەدی ئەكرێت بەتایبەت لەناوچە شاخاویە بەرزەكان، هەروەها سبەی یەكشەممە پلەی گەرمی بە ڕێژەی ١ پلە بەرز ئەبێتەوە و چاوەڕوان ئەكرێت بەرزترین پلەی گەرمی لە ڕاپەڕین لە دوای نیوەڕۆدا ( ٩ ، ١٠ ) پلە بێت و نزمترین پلەی گەرمی لە پێش خۆرهەڵاتن ( -٨ ، -٩ ) پلە بێت لە ناوچەكانی باكووری خۆرهەڵاتی ڕاپەڕین، والله أعلم


تێبینی هەمیشەیی// پێشبینییەکان بەپێی مانگە دەستکردەکان و وێستگە ئەلیکترۆنیەکانەوەیە، بۆیە شایەنی گۆڕانکارین و گۆڕانكاریان بەسەردا دێت چونكە زانیاری تەواو و بێ هەڵە نین و بەوشێوەیە ئەبێت كە خوای پەروەردگار فەرمانی لەسەرداوە

پێشبینی كەش و هەوای ئەمڕۆ شەممە لە ڕاپەڕین

بەناوی خوای بەخشندەی میهرەبان

پێشبینی كەش و هەوای ئەمڕۆ شەممە ٢٠١٩/١/١٩

لەدوای كۆتایی هاتنی كاریگەریەكانی ئەو شەپۆلەی كە ناوچەكەمانی گرتەوە، چاوەڕوان ئەكرێت لەماوەی چەند ڕۆژی داهاتوو كەش و هەوای ناوچەکە سەقامگیر بێت و جگە لە بوونی هەور لە كاتە جیاوازەكاندا تاوەكو كۆتایی هەفتە هیچ ئەگەرێكی بەهێزی دابارین لە ناوچەكە نابێت و پلەی گەرمی پلە پلە بەرەو بەرزبوونەوە ئەچێت، والله أعلم
ئەمڕۆ بەگشتی ئاسمان هەتاو ئەبێت و لە ئەگەری دروستبوونی هەوری گەواڵە لە ناوچەكە لە كاتە جیاوازەكاندا ڕێژەیەكی كەمی هەور لە ئاسمانی ناوچەكە بەدی ئەكرێت بەتایبەت لە ناوچە شاخاویە بەرزەكانی باكوور و باكووری خۆرهەڵات و خۆرئاوای ڕاپەڕین، هەروەها لە ئەمڕۆوە پلەی گەرمی بەشێوەیەكی ڕێژەیی بەرزئەبێتەوە و چاوەڕوان ئەكرێت ئەمڕۆ بەرزترین پلەی گەرمی لە ڕاپەڕین لە دوای نیوەڕۆدا ( ٨ ، ٩ ) پلە بێت و نزمترین پلەی گەرمی لە پێش خۆرهەڵاتندا ( -٧ ، -٨ ) پلە بێت لە ناوچەكانی قەندیل و دەورووبەری، والله أعلم

پلەی گەرمی ئێستای چەند ناوچەیەكی ڕاپەڕین
ڕانیە : -٣ پلە
قەڵادزە : -٢ ، -٣ پلە
حاجیاوا : -٣ پلە
ژاراوا : ٠ ، -١ پلە
چوارقوڕنە : -٢ پلە
سەنگەسەر : ٠ ، -١ پلە
سەروچاوە : -٤ ، -٥ پلە
بنگرد : -٢ پلە
شكارتە : -٥ ، -٦ پلە
هەرتەل : -٧ پلە
خدران : -٢ پلە

والله أعلم


تێبینی هەمیشەیی// پێشبینییەکان بەپێی مانگە دەستکردەکان و وێستگە ئەلیکترۆنیەکانەوەیە، بۆیە شایەنی گۆڕانکارین و گۆڕانكاریان بەسەردا دێت چونكە زانیاری تەواو و بێ هەڵە نین و بەوشێوەیە ئەبێت كە خوای پەروەردگار فەرمانی لەسەرداوە

بڕی باران بارینی ٢٤ كاتژمێری ڕابردووی چەند ناوچەیەكی ڕاپەڕین

بەناوی خوای بەخشندەی میهرەبان

بەپێی ڕاگەیندراوی بەڕێوەبەرایەتی گشتی كەشناسی و بوومەلەرزەزانی هەرێمی كوردستان بڕی بـاران بارینی ٢٤ كاتژمێری ڕابردووی ڕۆژی چوارشەممە لە چەند ناوچەیەكی ڕاپــەڕیـــن بەمشێوەیەیە

ڕانــــیـــــە :٢٥,٥ ملم
قــــەڵــادزە : ١٧,٥ ملم
چوارقوڕنە : ٥,٩ ملم
سەركەپكان : ٢١,٠ ملم
هــەڵـــشـــۆ : ١٢,٢ ملم
كۆی گشتی باران بارین لە هەڵشۆ ٥٢٢,٤ ملم
والله أعلم

پێشبینی كەش و هەوای ئەمڕۆ پێنجشەممە لە ڕاپەڕین

بەناوی خوای بەخشندەی میهرەبان

پێشبینی كەش و هەوای ئەمڕۆ پێنجشەممە ٢٠١٩/١/١٧

دوای ئەوەی ناوچەكەمان كەوتە ژێر كاریگەری شەپۆلێكی یەكگرتووی دەریای سوور و دەریای ناوەڕاست چاوەڕوان ئەكرێت ئەمڕۆ پێنجشەممە كاریگەریەكانی نزمە پاڵەپەستۆی دەریای ناوەڕاست لە ناوچەكەمان زیاتربێت و بەهۆیەوە پلەی گەرمی لە تەواوی ڕاپەڕین نزم ئەبێتەوە و لە دوای خۆرئاوابوونەوە لە زۆربەی ناوچەكانی ڕاپەڕین پلەی گەرمی لەژێر سفر پلەوە ئەبێت، هەروەها جگە لە باران بارین لە سەرجەم ناوچەکان بەهۆی نزمبوونەوەی پلەی گەرمی و كاریگەریەكانی نزمە پاڵەپەستۆیەكە جگە لە بەفربارینی چڕ لە ناوچە شاخاویە بەرزەكانی باكووری ڕاپەڕین ئەگەری بەفربارین یان بەفروباران بەیەكەوە لە چەند ناوچەیەكی تری ڕاپەڕین ئەبێت، والله أعلم

ئەو ناوچانەی باكووری ڕاپەڕین كە جگە لە باران بارین ئەگەری بەفربارین تیایاندا بەهێز ئەبێت: (ناوچەكانی بناری قەندیل و دەورووبەری، زینی وەرتێ و ناوچەكانی دەوروبەری، ناوچەكانی قەڵاتووكان و ڕەزگە و مارەدوو و شێنێ و هەڵشۆ و هێرۆ و دەورووبەریان، ناوچەكانی بۆتێ و پڵنگان و مێدێرە و گوڵان و كانی بناو و دارەبەن و بێردبی و ناوچەكانی دەورووبەریان) والله أعلم
ئەو ناوچانەی ڕاپەڕین كە جگە لە باران بارین لە كاتە جیاوازەكاندا ئەگەری بەفربارین یان بەفروباران بەیەكەوە تیایاندا ئەبێت بەتایبەت لەدوای عەسرەوە تاوەكو كۆتایی شەو: ( ڕانیە ، قەڵادزە ، حاجیاوا ، چوارقوڕنە، سەروچاوە ، شكارتە ، بێتواتە ، سەنگەسەر و ناوچەكانی دەورووبەریان) والله أعلم

ئەمڕۆ پلەی گەرمی بەڕێژەیەكی بەرچاو بەرەو نزمبوونەوە ئەچێت هەروەكو لەسەرەتادا ئاماژەمان پێدا و چاوەڕوان ئەكرێت جیاوازتر لە ڕۆژانی ڕابردوو بەرزترین پلەی گەرمی لە ڕاپەڕین لە ئەمشەودا بێت لە كاتەكانی كاتژمێر ١٢ تاوەكو ٣ی شەو و بەڕێژەی ( ٦ ، ٧ ) پلە و نزمترین پلەی گەرمی لە كاتەكانی كۆتایی شەودا ئەبێت بە ڕێژەی ( -٦ ، -٧ ) پلە لە ناوچەكانی قەندیل و دەورووبەری، والله أعلم

پلەی گەرمی ئێستای چەند ناوچەیەكی ڕاپەڕین
ڕانیە : ٥ ، ٦ پلە
قەڵادزە : ٦ پلە
حاجیاوا : ٥ پلە
ژاراوە : ٦ ، ٧ پلە
والله أعلم

تێبینی هەمیشەیی//
١-هەروەكو ئاماژەمان بۆ كردووە لە ئەمڕۆوە كاریگەریەكانی نزمەپاڵەپەستۆی دەریای ناوەڕاست لە ناوچەكەمان زیاتر ئەبێت و ئاسمان هەور بۆ هەوری تەواو ئەبێت لە تەواوی ناوچەكەمان و هەروەها جگە لە باران بارین لە سەرجەم ناوچەكان، ئەگەری بەفربارین یان بەفروباران بەیەكەوە ئەبێت هەروەكو ئاماژەمان پێداوە، بەڵام لە ئەگەری ڕوودانی هەر گۆڕانكاریەكی لەناكاو لە كەش و هەوای ناوچەكە كاریگەری ڕاستەوخۆی ئەبێت و لە ڕوودانی هەر گۆڕانكاریەك ڕوونكردنەوەی زیاتر بڵاوئەكەینەوە
٢-پێشبینییەکان بەپێی مانگە دەستکردەکان و وێستگە ئەلیکترۆنیەکانەوەیە، بۆیە شایەنی گۆڕانکارین و گۆڕانكاریان بەسەردا دێت چونكە زانیاری تەواو و بێ هەڵە نین و بەوشێوەیە ئەبێت كە خوای پەروەردگار فەرمانی لەسەرداوە