Category Archives: كەش و هەوا

پێشبینی كەش و هەوای سبەی

ئەمڕۆ

پێشبینیەكانی كەش و هەوای سبەی شەممە ٢٠١٨/١١/١٠

بەهۆی بەردەوامی سەقامگیری لە ڕەوشی كەش و هەوا سبەی لە دەڤەری ڕاپەڕین پلەی گەرمی بەڕێژەی ١ پلەی تر بەرزئەبێتەوە و بەرزترین پلە ١٩ – ٢٠ پلە ئەبێت، هەروەها لە زۆربەی كاتەكاندا ئاسمان هەور و هەتاو ئەبێت جگە لە ناوچە شاخاویەكانی دەڤەرەكە كە ڕێژەی هەور تیایدا زیاتر ئەبێت و لە كاتەجیاوازەكاندا ئاسمان نیمچە هەور ئەبێت.  سبەی خێرایی با ئاسایی ئەبێت و لە كاتە جیاوازەكانی نێوان نیوەڕۆ تاوەكو كۆتایی شەو لە ناوچە شاخاویەكانی دەورووبەری ڕانیە و قەڵادزە ئەگەری خێرابوونی هەیە تاوەكو نزیكەی ٣٥ كم / كاتژمێر. والله أعلم

تێبینی// پێشبینییەکانی سەرەوە بەپێی زانیاری سەرچاوەکانی کەش و هەواوەیە کە لە مانگە دەستکردەکان و وێستگە ئەلیکترۆنیەکانەوە وەرگیراون، وە هەروەها شایەنی گۆڕانکارین چونکە زانیاری تەواو و بێ هەڵە نین،ئەو زانستەی کە بە تەواوی ڕاست و دروستە تەنیا لای خوای گەورەیەو بەو شێوەیە ئەبێت کە زاتی پیرۆزی فەرمانی لەسەرداوە و جگە لە خوای گەورە هـیـچ کەسێك نایزانێت

 

پێشبینیەكانی كەش و هەوای سبەی

sbey

پێشبینیەكانی كەش و هەوای سبەی هەینی ٢٠١٨/١١/٩

دوای كۆتایی هاتنی ئەو شەپۆلی بارانبارینەی كە چەند ڕۆژێك بوو ناوچەكەمانی گرتبووەوە لە ئێستادا كاریگەریەكی زۆر لاوازی شەپۆلەكە لەسەر ناوچەیەكی كەمی خۆرهەڵاتی پشدەر بەردەوامە و ئاسمان نیمچە هەورە هەروەكو لە وێنەكەی خوارەوەدا دیارە

سبەی پلەی گەرمی بەڕێژەی ١ پلە بەرزئەبێتەوە و لە زۆربەی كاتەكاندا ئاسمان هەور و هەتاو ئەبێت لە تەواوی دەڤەری ڕاپەڕین جگە لە ناوچە شاخاویە بەرزەكانی نزیك خۆرهەڵاتی كوردستان كە پێشبینی ئەكرێت ئاسمان نیمچە هەور و هەور بێت، لە كاتەكانی نزیك ئێوارەوە ڕێژەی هەور لە سەرجەم ناوچەكانی ڕاپەڕین زیاد ئەكات و ئەگەرێكی لاوازی بارانبارین هەیە لەو ناوچانەی كە نزیكن لە خۆرهەڵاتی كوردستان كە زیاتر ناوچە شاخاویە بەرزەكان ئەگرێتەوە. هەروەها خێرایی با ئاسایی ئەبێت و لە كاتەكانی نیوەڕۆوە تاوەكو كۆتایی شەو لە ناوچە شاخاویەكانی دەورووبەری ڕانیە و قەڵادزە ئەگەری خێرابوونی لەناكاوی با هەیە تاوەكو نزیكەی ٣٥ كم / كاتژمێر. والله أعلم

تێبینی// پێشبینییەکانی سەرەوە بەپێی زانیاری سەرچاوەکانی کەش و هەواوەیە کە لە مانگە دەستکردەکان و وێستگە ئەلیکترۆنیەکانەوە وەرگیراون، وە هەروەها شایەنی گۆڕانکارین چونکە زانیاری تەواو و بێ هەڵە نین،ئەو زانستەی کە بە تەواوی ڕاست و دروستە تەنیا لای خوای گەورەیەو بەو شێوەیە ئەبێت کە زاتی پیرۆزی فەرمانی لەسەرداوە و جگە لە خوای گەورە هـیـچ کەسێك نایزانێت

esta1.PNG

بڕی باران بارینی ئەمڕۆی رانیە بزانە
ئەمرۆ(٢٠١٨/١١/٧) بڕی (٥،٥ملم) پێنج ملیم ونیو باران باریوە لە ٢٤ کاتژمێری ڕابردوو لەشاری ڕانیە.کۆی باران بارین تا ئەمرۆ بڕی(٧٥،٢ ملم )بووە. # بڕی باران بارین پارساڵ لەهەمان بەرواردا بڕی(١٨،٧ملم) بووە.(کۆی باران بارینی پارساڵ (٨٥٠،٥ ملم ) بوو) .

نەمامگەی شازاد سائیب

received_284207278878801

پێشبینیەكانی كەش و هەوای سبەی

پێشبینیەكانی كەش و هەوای سبەی سێشەممە ٢٠١٨/١١/٦

sbey

بەهۆی دابارینی بەفر لە ناوچە شاخاویە بەرزەكانی سنووری نێوان باشوور و ڕۆژهەڵاتی كوردستان بەتایبەت ناوچەكانی بناری قەندیل و باڵەكایەتی و هەڵكردنی با لە ڕۆژهەڵات و باكووری ڕۆژهەڵاتەوە بەسەر ئەو ناوچانەدا بۆ دەڤەری ڕاپەڕین و هەروەها بەهۆی بەردەوام بوونی ئەو شەپۆلی بارانبارینەی كە باشووری كوردستانی گرتووەتەوە، سبەی پلەكانی گەرما لە دەڤەری ڕاپەڕین بەڕێژەی ٢ – ٣ پلە نزمئەبنەوە و بەرزترین پلەی گەرمی پێشبینیكراویش لە ڕاپەڕین ١٤ – ١٥ پلە ئەبێت لە ناوچەكانی ناحیەی خدران و دەورووبەری. هەر بەهۆی بەردەوامبوونی ئەو شەپۆلەی كە لە دەریای سوورەوە سەرچاوەی گرتووە سبەی لە دەڤەری ڕاپەڕین ئاسمان هەوری تەواو ئەبێت و ئەگەری بارانبارینی هێواش و مامناوەند هەیە و بڕەكەشی لە ناوچەیەكەوە بۆ ناوچەیەكی ترجیاواز ئەبێت
هەروەها لە دوای  كاتژمێر ٤ی بەرەبەیانەوە لە بەرزاییەكانی چیای قەندیل ئەگەری بەفربارین هەیە و بڕی بەفربارینی سبەیش لەو ناوچەیە نزیكەی ٢٠ سەنتیمەتر ئەبێت والله أعلم

تێبینی// پێشبینییەکان بەپێی زانیاری سەرچاوەکانی کەش و هەواوەیە کە لە مانگە دەستکردەکان و وێستگە ئەلیکترۆنیەکانەوە وەرگیراون، وە هەروەها شایەنی گۆڕانکارین چونکە زانیاری تەواو و بێ هەڵە نین، ئەو زانستەی کە بە تەواوی ڕاست و دروستە تەنیا لای خوای گەورەیەو بەو شێوەیە ئەبێت کە زاتی پیرۆزی فەرمانی لەسەرداوە و جگە لە خوای گەورە هـیـچ کەسێك نایزانێت